

D2057

།[་]@##། །རྒྱ་གར་སྐད་དུ། པིཊྚ་ན་མ་ཧཱ་ཡཀྵ་སེ་ན་པ་ཏི་སཱ་དྷ་ནཾ། བོད་སྐད་དུ། རྡེག་པར་བྱེད་པའི་གནོད་སྦྱིན་གྱི་སྡེ་དཔོན་གྱི་སྒྲུབ་ཐབས། པིཊྚ་ན་མ་ཧཱ་ཡཀྵ་སེ་ན་པ་ཏི་ཧཱུཾ་ཕཊ། ཅེས་པ་འདི་བསྙེན་པ་འབུམ་ཚོ་གསུམ་བཟླས་ནས། དེའི་རྗེས་ལ་བྱང་ཆུབ་ཀྱི་ཤིང་ལས ལིངྒ་བྱས་ལ།དེའི་མགོ་ལ་ཐུན་མཚམས་གསུམ་དུ་དྲི་ཞིམ་པའི་མེ་ཏོག་གིས་བྲབ་བོ། །ཐུན་རེ་ལ་མེ་ཏོག་བརྒྱ་རྩ་བརྒྱད་ཀྱིས་བྱའོ། །ཚེས་བརྒྱད་ནས་བརྩམས་ཏེ་བཅུ་བཞིའི་བར་གྱིས་འགྲུབ་པར་འགྱུར་རོ། །ོཾ་པིཊྚ་ན་པིཊྚ་པ་ཡ་སཻ་ནྱ་པ་ཏི་ཧཱུཾ་ཕཊ། ཅེས་སོ། །སྔགས་འདིས་དགྲ་གང་ཡིན་ པ་ལ་བརྡེག་ཏུ་གཞུག་།ོཾ་ལོཊྚ་ན་ལོཊྚ་པ་ཡ་སཻ་ནྱ་པ་ཏི་ཧཱུཾ་ཕཊ། འདིས་ཀྱང་བརྡེག་ཏུ་བཅུག་པར་བྱའོ། །འདི་རྡེག་པར་བྱེད་པའི་གནོད་སྦྱིན་གྱི་སྡེ་དཔོན་ཞེས་བྱ་བའི་རྟོག་པ་རྫོགས་སོ། །དེ་བཞིན་དུ་གཞན་ཡང་གནོད་སྦྱིན་རྣམས་བསྒྲུབ་པར་བྱའོ། །གནོད་སྦྱིན་གྱི་སྒྲུབ་ཐབས་ཀྱི་མན་ངག་ཅུང ་ཟད་བསྟན་པ་རྫོགས་སོ།